طعنة من وراء الظهر

بعض البشر لا من حشمته طمع فيك


وبعض البشر لا من خيفته يودك


وبعض البشر يتعب عشان يرضيك


واغلي من اخوانه بقلبه يعدك


ويا صاحبي ها لحين يبين خوافيك


علقتني ما بين مزحك وجدك


وش جاك مني يا عشيري وانا احبك


قبل امس انا صاحبك واليوم ندك


لا ضاق صدري من عنا وقتنا اجيك


واشوف دمعات الغلا فوق خدك


والحين تظلمني وانا منك وفيك


بكل احترام اقول يا خوي حدك


تمن كلامك يا عسي الله يهديك


لا صار ماي الوجه يعجز بردك


ثوب الردي يا صاحبي ما يقديك


الثوب لا ثوبك ولا القد قدك


انا اول انسان ان ضقت يجيك


حتي لا اذكر يوم وقفت ضدك


ما تذكر اني بالوفا كنت اجازيك


وانت تجازيني بظلمك وصدك


ولكن خلاص اليوم والله ما بيك


النفس طابت شو ماهو يودك


الطعنه اللي من ورا الظهر تنهيك


وشلون لا جاتك من اللي يودك